[size=21]شوفك وين
يل بالروح دوم اتطوف
واشوفك وين
وانتة النهر وانا اجروف
يا خوية العمر طلعة فجر وياك
وحرامي البيت بينه ايحوف
وبينة الكصبه تحجي تناغت وية الهور
ويا ريحة شهفنا الما يعرف الخوف
واشوفك وين
وانة بكلبي كثرة ازروف
خليني بعمة اعيوني اضل وياك
غريب واعاشك وملهوف
وخليني اشوفك نبض بالدلال
وطر روحي بمحبتك يل صرت معروف
وخليني بزل وي جلمتك لو راد
بستانك يحنلي بلهفة الملهوف
وخليني حرز مكتوب من زمان
بيد امي النختنه من نموت اصفوف
يمعذب الفكر وياك بس ارجوك
خلينه نتشابك صدر وية اجتفوف
واغط بيك واطبك كطل طب بالماي
واغطيك وتمد بروحي عطر ازلوف
يا رشكة جنح الخضيري من انخاك
يا فزة سمج تفزعلي موش ازحوف
يا وجدي بعد ما وجديت الراي
يوجعني البعد كونك تجي وتشوف
شكد مشتاك للهور وصليل الليل
وي نكدة الفالة وغرفة المشحوف
شكد مشتاك لخبيزة الصبح مخبوز
وبتنور طين وسمجه المسكوف
اخ شكثر صاحت بيه ريح الهور
وحنيت اعلة بركة وعالم المكشوف
ويا روحي بعد هم بيج حيل اسنين
غربة وما تمرين اعلى كثره اطيوف
ما يشفة الجرح لو عنك انا ابعيد
كثرن هل الجروح شنلحك وشنروف
[/size]
يل بالروح دوم اتطوف
واشوفك وين
وانتة النهر وانا اجروف
يا خوية العمر طلعة فجر وياك
وحرامي البيت بينه ايحوف
وبينة الكصبه تحجي تناغت وية الهور
ويا ريحة شهفنا الما يعرف الخوف
واشوفك وين
وانة بكلبي كثرة ازروف
خليني بعمة اعيوني اضل وياك
غريب واعاشك وملهوف
وخليني اشوفك نبض بالدلال
وطر روحي بمحبتك يل صرت معروف
وخليني بزل وي جلمتك لو راد
بستانك يحنلي بلهفة الملهوف
وخليني حرز مكتوب من زمان
بيد امي النختنه من نموت اصفوف
يمعذب الفكر وياك بس ارجوك
خلينه نتشابك صدر وية اجتفوف
واغط بيك واطبك كطل طب بالماي
واغطيك وتمد بروحي عطر ازلوف
يا رشكة جنح الخضيري من انخاك
يا فزة سمج تفزعلي موش ازحوف
يا وجدي بعد ما وجديت الراي
يوجعني البعد كونك تجي وتشوف
شكد مشتاك للهور وصليل الليل
وي نكدة الفالة وغرفة المشحوف
شكد مشتاك لخبيزة الصبح مخبوز
وبتنور طين وسمجه المسكوف
اخ شكثر صاحت بيه ريح الهور
وحنيت اعلة بركة وعالم المكشوف
ويا روحي بعد هم بيج حيل اسنين
غربة وما تمرين اعلى كثره اطيوف
ما يشفة الجرح لو عنك انا ابعيد
كثرن هل الجروح شنلحك وشنروف
[/size]
